நான்

வஞ்சனையில் ஓடும்
நிந்தனையில் வாடும்
இந்த மனமே எனது உடைமை

பொருளாக மாறாத அன்பை விளங்காது
பொருளிலே அன்பைத் துருவித் தேயும்

இத்தனி மனித பிதற்றலுக்கு
அளவு கிடையாது

பேராசையில் ஓடும்
வீண் சுகத்தில் வாடும்
இப்பிறவி சாகும் வரை
ஓர் மரணதண்டனை

இயற்கை விதி...

மழையின் சிலிர்ப்பும் மழலைச் சிரிப்பும் 

இசையின் கவர்வும் வெறும் புலன்களின் பலன்

கவியின் சொல்லும் சொல்லின் பொருளும் 

வீணாய் அற்ப  அறிவைத் தீண்டும் 

அனுபவமாய் 

இவை அனைத்தும் உள்ளே நிகழ்த்தும் 

உள்ளுணர்வே மெய்யென்றால்

அம்மெய் 

தன்னை வெளிப்படுத்தும் தருனத்தில் 

பொய்யாவது ஏனோ...

பழத்தின் பலன்

சில பழங்கள் சில பழுதுகளுக்கு
பல பழங்கள் சாப்பிடுவார்கள்
அப்பழுதுகள் சில பழங்களிலே
பலனடையும்

நீர்

அமைதியாய் புவியாடும் 
மெய்யோடும் உயிராடும் 

தாகம் தணியும் தருவாயில் 
சொர்கம் உணர்த்தும் 
நன்றி இல்லா மனிதனுக்கு 
நன்றி உணர்த்தும் 

அமைதியாய் புவியாடும்
மெய்யோடும் உயிராடும்

தாகம் தணியும் தருவாயில்
சொர்கம் உணர்த்தும்
நன்றி இல்லா மனிதனுக்கு
நன்றி உணர்த்தும்

அம்மண மனிதரை குழிப்பாட்டும்
வெளிப்புறத்தை துப்பரவும்
உட்புறத்தை உசுப்பேத்தும்

அடக்கமாய் விளையாடும் மேற்பரப்பு
உள்ளே சீண்டப்பட்டால்
பேரிடர் விளைக்கும் பெண்ணான படைப்பு

உன்மேல் மிதிப்பதை கவனிக்கும் மனம்
உன்னைக் கவனித்தால்
வெறுமைச் சுழலில் துலையுமோ
விழிக்கும் போதையில் துயிலுமோ

அமைதியாய் புவியாடும்
என் மெய்யோடும் உயிராடும்
உன்னிடத்தில் பல பாடங்கள் படிக்க வேண்டும்
உன் சிற்றலைப் பரப்பில் மெய்யுணர வேண்டும்

காதல் வயம்

கதறக் கதறக் காதாலிக்கும் என் ஆண்மனம்
காம வயப்பட்டு உன் அருகே பன்றியைப் போல் கனைக்கும்

சீனாதானா இடுப்பழகை பார்க்கும்போதெல்லாம்
அவ்ளோதானா என நீ எண்ணாமல் என் கட்டை திரளும்

சிணுங்கிச் சிணுங்கி சிரிக்கும் உன் இதழ்கள்
என் சில்மிஷங்களை ஏற்றுக்கொண்டால்
வேட்கமுறுவது ஆணாகும் நானல்லோ

மனதில் காதல் வைத்தாலும்
கண்களுக்குத் தொட்டுணரத் தெரிவதோ
உறுப்புக் கொண்ட உன் மேனி

மனிதர் உணர்ந்துகொள்ள மனிதர் காதல் அல்ல
என் காதல் மனித உள்ளம் கொண்ட குரங்குக் காதல்

ஒருவரை ஒருவர் மேய்தாக்க இயலா இக்காதலை
நிஜமென்று எண்ணிக்கொள்

நானும் நீயும்
பல கவிஞர் வரைந்த பொய்யிலே
மெய்யாய் மிதப்போம்

இசை

இசை
வார்த்தை விளக்கிப் பொருள் குறுக்கிடலால்
சொல்லும் அல்ல பொருளும் அல்ல
உணர்வுகளை உணர்வுகளால் உணர்ந்தே

புற சூழலை புணர்ந்தே உணர்ந்தேன்
உயிரும் இசையும் உள்ளே உணர்ந்தேன்

வெளித்தோற்றம் கண்களில் ஈரம்
பிறர் நோக்கு மதிப்பீட்டில் பித்தன்

காடு

மனிதன் அழித்த காட்டை
மனிதனே காக்க முயல்கிறான்
தன்னலம் அதில் இருப்பதால்

இந்தக் காட்டுக்கென்று குறிக்கோள் உள்ளதா
அதட்கென்று ஒர் அறிவு உள்ளதா
உணர்வில்லா இருப்பு
கருத்தற்ற காட்சி
அதன் மதிப்பறியா மனிதன்
பிழைக்கப் புசிக்கும் விலங்கு

விதி வைத்து வளர்கிறதா காடு
அதன் வருங்காலத்தைக் கணிப்பதற்கு
சுற்றத்தின் நடுவே வாழ அது முயல்வதும் இல்லை
தன் நிலை உயர்த்திக்கொள்ளச் சுரண்டுவதும் இல்லை
தன் அழிவை நினைத்துப் பதறுவதும் இல்லை

உணர்வில்லா இருப்பு
கருத்தற்ற காட்சி
தன் நலம் மட்டுமே அறிந்த
பரிதாப மனிதன்

இருக்கு... ஆனா இல்லை

காமம் போனாலும் மனதில் காதல் போவதில்லை
உணர்வு போனாலும் நினைவு போவதில்லை
தேவை போனாலும் ஆசை போவதில்லை
பேய்கள் போனாலும் பயம் போவதில்லை

அனுபவம் பல இருந்தும் அடிகள் பல விழுந்தும்
அறிவின் விளிம்புகூடத் தெரிவதில்லை
தீரா இன்பமும் சோகமும் கலந்த இவ்வாழ்வில்
பதில் பல வந்தும் புதிர் போவதில்லை

வெங்காயத் தமிழர்

பகுத்தறிவுப் பெரியவா - சமகாலக் குழப்பத்தின் முதலவா
உன் கருத்தைவிடத் தடியை விரும்பும் சிலர் மனம் உனக்குப் புரியுதா

எப்பவோ எவனோ எழுதிய வேதத்தைத் துருவித் துருவி
சிலரை வேசிமகன் என்றாய் - அந்தக் குப்பையை யார் படிச்சா முதல்ல
மறக்க வேண்டிய அவலத்தை மறுக்கா மறுக்கா வலியுறுத்தி
வெறுப்பினால் ஒர் இயக்கத்தை உருவாக்கினாய்
வேலியில் போற ஓணானை பிறர் வேட்டியில் விட்டாய்

பாமரனே ஆயினும் சிலரை விட உயர்த்தப்பட்டோர்
என்னும் தாழ்வு மனப்பான்மை விதைத்தாய் - விளைவு
நாயர் மேனன் ரெட்டி நாயுடு யதார்த்தமானார்கள்
தேவர் செட்டி பிள்ளை முதலியார் தனிக்கையானார்கள்

மனதிலிருக்கும் தாழ்மை நோய் துலக்க
பெயரை அழித்தால் பொருள் மாறுமோ
இருமனம் முடிக்கும்போதும் வீடு வாடகை விடும்போதும்
நீங்க என்ன ஆள்'னு கேக்கத்தானே செய்யறான்

இடஒதுக்கீட்டு ஆய்வு பலனற்றுத் தேங்கியுள்ளது
மேடைக் கூவல்களும் கலைமாமணி விருதற்றுப் போனது

நீ அவனைத் தொடக்கூடா தென்றால்
அவனும் உன்னைத் தொடக்கூடாது
பொதுவாப் பார்த்தால் இருவரும் தீண்டத்தகாதவர்களே

மனித நாகரீகம் தளிர இயற்கையாக நிகழும் சமூகப் பிரிவுகள்
எவனோ ஒருவன் திட்டமிட்டு செய்த சதியென
பூச்சாண்டி பிரச்சாரம் செய்வதை விட்டு விடுங்கள்

அவ்வாறு தோன்றிய இச்சாதியக் கட்டமைப்பு
காலமாற்றத்தில் அதுவாகவே மறைந்துவிடும்
அளவுக்கு அதிகமாகப் போற்றுவதும் தூற்றுவதும்
இயற்கைக்கு எதிரானவை
யதார்த்த அமைதியைக் குலைக்கும் நாசவேலை

Survival of the worst/....

இந்த உலகத்தில பொழைக்கனும்னா
ஒண்ணா திருடனும் இல்ல திருடறவனுக்கு துனைபோகனும்...

உண்மைய பேசறவன திமிரன்னும்
நல்லவன உதாசீனப்படுத்தும்..

வல்லவன..?? உண்மையா திறமை இருக்கறவன exploit செய்யும்
திருடறவனத்தான் பொழைக்க வைக்கும்..
ஏமாத்தறவன கொழுக்க வைக்கும்

அடுத்த தடவ எவனாச்சும் தன் வெற்றியையும் அடுத்தவன் தோல்வியையும் நியாயப்படுத்த 'survival of the fittest'னு சொன்னா அவன நம்பாதீங்க
Because he is one of the worst.

All the world's a stage. And it is badly cast. - Oscar Wilde

உனக்கெது சொந்தம்

குட்டியாடு தப்பி வந்தா
குள்ளநரிக்குச் சொந்தம்
குள்ள நரி மாட்டி கிட்டா
கொறவனுக்குச் சொந்தம்
தட்டுகெட்ட மனிதர்கண்ணில்
பட்ட தெல்லாம் சொந்தம்
சட்டப்படி பார்க்கப்போனால்
எட்டடிதான் சொந்தம்

உனக்கெது சொந்தம்
எனக்கெது சொந்தம்
உலகத்துக் கெதுதான் சொந்தமடா
கூட்டுலே குஞ்சு பறக்க நினைத்தால்
குருவியின் சொந்தம் தீருமடா
ஆட்டுலே குட்டி ஊட்ட மறந்தால்
அதோடே சொந்தம் மாறுமடா கால 
நீட்டியே வைத்து நெருப்பிடும் போது
நேசம் பாசம் பொருளாசைக் கெல்லாம்
காட்டிய ஒருபிடி வாய்க் கரிசியிலே
கணக்குத் தீர்ந்திடும் சொந்தமடா

கேளிக்கை உலகம்

உண்மையைச் சொன்னால் 'Grow up. Get a life' என்றும்
பிறந்த உயிரில் பாதிச் செத்துவிட்டால் உன்னை 'matured' என்றும் சொல்லும்
இந்தக் கேளிக்கை எதிர்பார்க்கும் உலகம்...

வெற்றுக்குடம்

இல்லாப் புகழ் இல்லாப் பாசம்
இல்லா அறிவு இல்லா வுடைமை
இல்லா அருள் இல்லாப் படைப்பு
எல்லாவற்றிலும் ஏமாறத் துடிக்கும் மனிதா

வெற்றிடத்தில் வெற்றுக்குடம்போல் வந்த உனக்கு
வெறுமையே நிரந்தரம்

ஆனால்
நிரப்புவதை மட்டும் நிறுத்திவிட்டால் இறப்பே!